kinderchurch
Kiko ta orashon ?
Orashon ta komuniká òf papia ku Dios. Bo por papia ku Dios
tur ora i unda ku bo ta. Manera un Tata, E tei semper pa
skucha bo.
Dikon nos tin ku hasi orashon?
Ora nos ta hasi orashon, nos ta papia ku Dios pa sa kiko E
ke pa nos hasi.
Dios ta asina bon ku E ta yuda nos ora nos ta kontentu,
tristu, malu i asta ora nos ta den problema.
Ora nos ta komuniká ku Dios nos relashon ku Dios ta
krese i Dios ta duna nos sabiduria, forsa i E ta yuda nos
pa nos komprondé tur kos.
Kon mi tin ku hasi orashon ?
Santiago 1:6 Ma lagu’é pidi den fe sin ningun duda, pasobra
esun ku duda ta manera un ola di laman ku ta wòrdu lastrá i
tirá dor di bientu. Pasobra no laga e hende ei spera ku e lo
risibí algu di Señor,
Ora bo ta pidi Dios pa algu den orashon bo mester kere ku
Dios por i ta bai hasi esaki maske bo no ta mir‛é
ahinda.
Pero bo tambe mester hasi algu. Por ehèmpel bo por pidi
Dios pa yuda bo pa bo prueba na skol bai bon, pero abo tin
ku siña si. E ora ei Dios lo laga bo kòrda tur loke bo a siña
ora bo ta traha e prueba maske kon nèrvioso bo ta.
Señor Dios, danki pa stima mi masha hopi mes ku bo a manda bo yu Hesus muri na krus pa mi pikanan.
Pordona mi pa tur kos ku mi a hasi ku ta robes i limpia mi kurason. Hesus bin biba den mi kurason.
Mi ke ta bo miho amigu pa semper i semper.
Siña mi kon pa skucha bo Señor i sigui riba bo kaminda tur dia.
Den nòmber di Hesus.
Amen.